因為放假，所以得閒執下野。
執執下發現左我部nds同ps2已經封緊塵。
自quit宿以來，我好似冇再掂過佢地。

部psp自上次番中大打過之後，我都冇咩玩過。
再睇番部電腦，入面除左接龍、踩地雷之類之外已經冇哂game

突然發現，我大個仔啦!!!
唔打機啦~~~~

所以呢~為左紀念e個日子，我決定裝修我個xanga。你睇下我個xanga而家幾精簡~~


呀~祝大家聖誕快樂
唔快樂既聽e隻歌啦~我聽完覺得好快樂，好聖誕
http://hk.youtube.com/watch?v=TAlkVqxc8ps
GReeeeN - 冬のある日の唄

俾零仔提醒左，當內心出現負面情緒時用音符炸落去就咩都解決哂。
所以今日放低彈左好耐都仲好生疏既琴，拎番起我既本命結他，不停Repeat五月天既外星語歌曲憨人，確實好暢快。

憨人

Key: G

G D/#F Em Bm
我的心內感覺　人生的沈重　不敢來振動
C G Am D
我不是好子　嘛不是歹人　我只是愛眠夢
G D/#F Em Bm
我不願隨浪隨風　飄浪西東　親像船無港
C G Am D G
我不願做人　奸巧鑽縫　甘願來作憨人

Em Bm
我不是頭腦空空　我不是一隻米蟲
C G Am D
人啊人　一世人　要安怎歡喜　過春夏秋冬

G D/#F Em Bm
我有我的路　有我的夢
C G Am D
夢中的那個世界　甘講伊是一場空
G D/#F Em Bm
我走過的路　只有希望
C G Am D G
希望你我講過的話　放在心肝內 總有一天

G D/#F Em Bm
看到滿天全金條　要煞無半項 環境來戲弄
C G Am D
背景無夠強　天才無夠弄 逐項是攏輸人
G D/#F Em Bm
只好看破這虛華 不怕路歹行　不怕大雨淋
C G Am D G
心上一字敢 面對我的夢　甘願來作憨人


下隻要背既係志明與春嬌, 之係係I Love You無望同永遠的永遠，
一於將我既聖誕獻給偉大的閩南話與五月天

今日又係要出街見客既日子。去到個客到時，我依然係一言不發咁坐係度drop notes，由得果兩個阿嬸係度討價還價，個心諗住你地唔好咁多野講啦，我寫report好煩架。終於佢地講完後，就行出會議室去見一見佢個日本人，順便交換埋卡片。

番到會議室，執野走人時個望倒個卡片套到得一張客人既卡片時，疑惑左一陣: 點解我派出左兩張卡片，一張俾面前個阿嬸，一張就俾左頭先個日本人，但係點解收得番果個日木人一張卡片呢? 不過果時我個女魔頭上司巴巴拉已經執好野係門口等緊我，我感受倒佢既內心係獨白係: 「你這個死小孩，執咁耐都未執好既?」於是我就只係好快咁望一望台面，發現空無一物。於是我就自我安慰:「唔係台面，即係我收埋左啦~可能我頭先無意識咁放左入個公事包je。」跟住就好快咁急急腳走左。


番到公司，為左唔洗ot，當然想用最短既時間ko個report啦。不過，我將個公事包反轉再反轉，發現: 都係搵唔倒果張卡片!!!!!!!!!!
於是我令自己冷靜落泥。開始回想: 見客時一開始就係交換卡片，之後一般都會將客人既卡片放係台面，到走時先入落個卡片套到。會唔會我drop notes時唔覺意，將本note book放左係張卡片上面，再唔覺意掃左佢落台呢? 我愈諗愈覺得e個可能性好大，心諗今次又領野啦~~ shit!!!!!


天性樂觀既我知道e個時候要諗既，就係點樣補救。第一個方案就係瞞住女魔頭，打俾初次見面既客:「我頭先應該漏左你張卡片係台底呀，介唔介意我上泥拎番呢?」e個想法馬上被駁回。先不論我夠唔夠厚面皮做e件事，要係一個坐係我隔離，仲要成日監視我既人眼底打e個電話，再鼠出街而唔俾佢發現既機會係零。

第2個方案就係當冇事發生過。不過好快我就發現我寫report時需要個阿嬸個名，唔通打電話去:「你好呀?我係頭先上過泥既btmu既力膠呀，請問你貴姓呀?」=.=""""
或者偷睇女魔頭既卡片???不過我見佢佢寸步不離個座位，佢個卡片套又放係個手袋入面，後面又耳目眾多。就算佢行開左，如果俾人見倒我搜佢個手袋，係人都知我身有屎啦。睇泥都係唔得。

時間係唔會等人既。係我胡思亂想既時候，好快就過左十幾分鐘。我心諗不如死死氣同女魔頭講我唔見左張卡片啦。不過，卡片好似係A級既customer information泥架wor。我整唔見左既話，會唔會要報incident，等全間銀行700幾人都知我整唔見左客人既卡片，仲要係咁白痴咁整唔見。又要見老細，見完manager見department head, 之後就支店長，再來deputy general manager，最後就係香港區general manager，又要寫report，開幾個會講e件事時，我既內心開始崩潰了。

就係我萬念俱灰，想開口同女魔頭自首報案時，我既內心浮現出:
「E張死卡片，害到我雞毛鴨血~他媽的%&*%)(^$，你咩野死樣架?」

「點解我唔記得張卡片咩野樣既!?」

................................................

「就算唔見左，我都無理由唔記得armarm睇完既卡片上面既人名架wor」

....................................................................................

「果位大嬸入會議室時有冇拎住卡片呢?」

................................................................................................................









我頂 =.=""




於是我就咁白白浪費左20分鐘左右時既時間搵一張唔存在既卡片+自己嚇自己

好順理成章咁，我既ot也延長左20分鐘



睇泥，做銀行e行壓力真係好大